پنجشنبه
سه شعر از لاله جوانشیر

سه شعر از لاله جوانشیر

-

-

اوره ییمی

اوره ییمی چیینیمه چاتیب یولا دوشدوم

قیریلدی بوتون کؤرپولر.

وسن

سئنه ده یوللارین یورولماق بیلمه ین کؤشه سیندن

-----------------------------------------------باشلادین منه.

اوره ییمیزی باغیشلاماغا یئر تاپمادیق.

آی ائلیمین چاپیق-چاپیق دامارلاری

چارتلادی بوتون کؤرپولر

"تبریزین کوچه لری دولانیا-دولان" دئدیلر.

دولان ها دولان

تاپاجاقسان

دولان

------دولان.

-

...............................................................

-

بو گون ده ....

بو گون ده بؤیله بیتدی

یاغیشلی،

حوزونلو

و اوزون-اوزون گؤزلتنیلی چرشنبه آخشامی.-

گونلرین ۀدی تئز-تئز دَه ییشیر

گونلرین آدینا هر گون

یاغیش یاغیر بو مملکتده

و پالتوسونو چیینینه سالیب

خیابانلارین اؤلوسونه سلام دئین شاعیر

گونده مین یول آؤلمه مه یه محکوم اولور.

سن ده آغلایاجاقسان

سن ده بو گون ده بؤیله بیتدی دئیه جکسن.

اؤزله یه جکسن،

اوزون-اوزون چرشنبه آخشاملارینی.

-بو گون ده بؤیله کئچدی-

ساچلاریمدا

بارماغینین ایزلرینه پاییز یاغیشی یاغدی.

سن هاردا اونوتدون فصیل لرین آدینی

اوره کلریندن آغاجلارا میخلانمیش فصیل لرین.-

کؤچمن قوشلار دؤننده

یوواسینی دیمدیگینه تاخیب گئدن قوش دا دؤنه جک

سن تبریزی سیخ-سیخ اؤپه جکسن

بو ایچیمدن گلیر دئییب

هؤنکور-هؤنکور آغلایاجاقسان

منیم دومانلی شهریم دئیه جکسن.

--

.................................................................

-

حیات دوام ائدن....

حیات دوام ائدن بیر خیانت قدر سوچسوزدور

--------------------------------------بیزیم شهرده.

بو بوزارمیش خیابانلار

رنگی قاچمیش پرده لرین سس سیزلیگین پوزماغا گئدن یولدور.

سنه دئمیشدیم،

بیز ایسته دیگیمیز یئره

آنجاق گئجه لری چاتاجاغیق.

اؤرکلره ائله اَیری باخما

بو شهرده ،

بوش ساندیغین بوتون اورکلرده

باغیرتی سس سیزلیگی وار.

بیر دومان

--------بیر حوزون

----------------بیر داریخما

ایسته دیگین قدر داریخ بو شهرده

بیر دومان کیمی

و بیر احتمال قدر

---------------دواملی

-------------------و سوچسوز

بیر باغیرتی سس سیزلیگی گزیر خیابانلاردا.



0 Comments:

پست کردن نظر

خواننده‌ی گرامی،
نظر شما پس از بررسی منتشر می شود.
نظرهایی که بدون اسم و ایمیل نویسنده باشند، منتشر نخواهند شد.

Webhosting kostenlos testen!
Webhosting preiswert - inkl. Joomla!