شنبه

مقدمه ای بر کتاب شعر تازه‌ی سعید مغانلی
زیبا کرباسی
-
آن ندیر سوروشورام؟
نفسین گئدیب گلمه سی، بیر کیپریک چالینماسی نین فاصله سینده بلکه! نفسین ایچه چکیب ائشییه وئریلمه سینه بیر آن دئییرلر. اما یوخ، بلکه اوندان بیر آز درین راخ بیر باخیش لازیمدی. آلت قاتلاردا اولان او دوشونجه، او لذت، او آآآآآآن.
نه دیر شعری شعرلندیرن؟
نامرئی تارلاردا مرئی سازلار، سؤزلر یا بالعکس.

نفس شعرینده بیز بیر دیل ائروتیزمی ایله اوز اوزه گلیریک. چیین چیینه ووروب ساغلیغیزا قاریشیریق. حرفلر بیر حسسی گئت گلده باشدان یارانمادادیرلار، بیربیرلرین باشدان آیاغا دوشونمه ده، اممه ده، اؤپمه ده، یالامادا، یئمه ده، سوروب سئومه ده، بیر گوجلو دؤیونمه ایله نبض ده، حرارت ده، ضربان دا. سیلابلار دودداق دوداغا قویوب، جانلانیب سوت کیمی جالانیرلار.

بیز شعره بیر اؤلکه، شهر ویا بیر بالاجا کند، و یا حتی بیر ائو گؤزو ایله باخاندا اونون ایچینده اولان بوتون وار یوخ بیر دواملی سئویشمه ده دیرلر. بیر سیلاب او بیری سیلابی ایچری چکمک اوچون اؤزونو دیبه جن آتیر. بیر کلمه او بیری کلمه ده جان وئریر. او بیری کلمه نی جانلاندیریر. یئرلر ده ییشیلیر. کلمه لر بویلانیر. یئریکله ییر، دوغور. باشدان بئله بیر دائمی لذت ده زامان یارانیر، شعرین زامانی. نفسین ریتمی اوردا بیر بؤیوک سهم آچیر. یئیین یاواشلیغی، توتولماسی، قیریلماسی، سینه ده بیر آن حبس اولماسی، تازالانماغی شعرین آلین یازیسینا ال آپاریر. شعری سلول لار نفسین نامرئی تارلاریندا معنالانیر.

نانومقیاسین ساختارلاریندا بیر بؤیوک سطح و حجم ایله انرژینی اؤزلرینده توپلایان نانوذره لر و نانوقاتلار وار. دئییرم بیر شعرده سس، خط، حالت، یازی و سؤزلر ده بو حالدا بیر سلولاردا توپلانیرلار. بو سلوللارا من مکتوب سلوللار ویا شعری سلوللار آد وئریرم.
سعید موغانلی نی من زندان شعرلری ایله تانیدیم. او بیر انفرادی سلول دا اؤز درین تنهالیغین شعری سلوللارا دؤنده ریر. کلمه لری ایله بیرله شیر. بیر درین سئویشمه ده، شوردا، سس ده و نفس ده، اونون او بیری آدی شعر اولان بیر بیرلیک و بیر وحدته یئتیشیر. بئله بیر اتفاقا آنجاق بیر نفس شاعری ال تاپا بیلر. بیزیم شهریار دئمیشکن: "شاعر اولا بیلمزسن آنان دوغماسا شاعر..." من سعید موغانلی نی بو مجموعه نین نئچه شعرینده نفس کیمی بیر نفس شاعری آنلادیم. اینانمیرسیز اؤزوز اوخویون. نفسلریز ائنیب قالخاندا، حریر پرده لر شور سسلرده شپه لرین جانیزا سپن آندا بو یازییا قاییدا بیلرسیز. حیات بیر آندا او بیر آنین آنلاماسی دیر.

زیبا کرباسی
لندن- تیر آیی 2010

قوجاغین امنیت، گؤزون تروریست
"آغوشت امنیت، چشمانت تروریست"
مجموعه اشعار ترکی سعید موغانلی
به انتخاب زیبا کرباسی
با طراحی و دیزاین مهیار علی زاده . آیخان
تیراژ 2000 - قطع رقعی - 352 صفحه
نشر و پخش از سری ویژه نامه های یاشماق (شماره 75)ا
این کتاب شامل شش دفتر از سروده های شاعر از سالهای 70 تا 90 را در بر می گیرد
دفتر اول: آدین هیجاندیر "نام تو هیجان است"ا
شعرهای سالهای 70 تا 75 را شامل می شود که عموما کلاسیک و بیشتر دارای
مضامین ملی است
دفتر دوم: قوجاغین امنیت، گؤزون تروریست
"آغوشت امنیت، چشمانت تروریست"
شعرهای سالهای اواخر دهه ی 70 و اوائل دهه ی 80 می باشد
و عموما عاشقانه هستند
دفتر سوم: آدین آزادلیقدیر گؤیلومه دوشور"
""نامت آزادیست، دلتنگش می شوم
شعرهای زندان در سال 86
دفتر چهارم: شاعیرین ایشی سئومکدیر
کار شاعر دوست داشتن است
شعرهای اوخر دهه ی 90 که عموما نو آوری در شعر ترکی آذربایجانی به حساب
می آید و نوعی بازی زبانی در حیطه این زبان است
دفتر پنجم: سنسیز یالقیز قالیب تبریز
"بی تو تنها مانده است تبریز"ا
نثر-شعرهای سال 84 و 85 که عموما در نشریات یاشماق و یارپاق به چاپ رسیده بودند
دفتر ششم: دیلدن دیله بندم
ترجمه هایی از شعر معاصر عرب
و ترجمه هایی از شعرهای موغانلی به زبان انگلیسی توسط زیبا کرباسی
و ترجمه های شعرهایی از موغانلی به زبان فارسی (که عموما در مطبوعات
فارسی زبان در ایران به چاپ رسیده اند)




0 Comments:

پست کردن نظر

خواننده‌ی گرامی،
نظر شما پس از بررسی منتشر می شود.
نظرهایی که بدون اسم و ایمیل نویسنده باشند، منتشر نخواهند شد.

Webhosting kostenlos testen!
Webhosting preiswert - inkl. Joomla!